عدد الرسائل : 469 العمر : 36 محل سكنك : منيه النصر - المنصورة تاريخ التسجيل : 20/05/2007
موضوع: كيف تضيف صورة الي المنتدي؟ الإثنين مايو 21, 2007 12:24 pm
كيف تضيف .. فيلم أو صورة الى المنتدى
اولا طـريقــه رفــع صــور عــالمنتــدى
لــو الصـوره اللى عاوز تحطها فى مشاركتك فى المنتدى هنـا علـى موقع اصلا كده يبقى مفيش مشاكل كل اللى عليك انك تاخد الصوره دى كوبى وتيجى فى المشاركه بتاعتـك وتعملهــا لزق (past) بس لـو الصـوره دى بقى لو مش على موقع على جهازك اصلا هيبقى ادامـك مشـكله انـك لازم ترفع الصـوره دى الاول على موقع عشـان تاخدها كوبى من عليه فيـه ناس هتقول ازاى ارفع صوره على موقع اصــلا فيه ناس بتستخدم برنامج وفي ناس بتستخدم موقع هقولكم الاتنين
اولا باستخـدام برنــامج
فـى برنامـج اسمــه imagesharket ده برنامج رفع صـور على مواقع هو برنامج مجانى وطريقته سهله وهشرحهلكم اهوه
بعد لمــا تحمــل البرنامج بيظــهر معـاك بالشكــل ده بتطغط عليه البرنامج عادى بيفتح معاك بالشكل ده هتلاقى عندك كلمه Browse اللى معمول عليها دايره باللون الاحمر اضغط عليها وبعد ما تضغط عليها هيفتح معاك بالشكل ده
بتحدد مكـان الصـوره اللى انت عاوزها من على الجهاز بتعاك وتضغط عليها زى صوره العيل الصغنتت ابو سجاره ده وبعدها بتدوس open اللى معمول عليها دايره بالازرق دى وبعد ما تعمل كل ده هيظهر معاك كده كده انت حددت مكان الصوره على جهازك فاضل بقى ترفعها على موقع بتدوس على زرار Host it اللى معمول عليه دايره بالاصفر واستنى حوالى 20 او 30 ثانيه البرنامج بيحمل زى كده اهوه التحميل باين بالشريط الاخضر اللى بيحمل ده بعد لما بيخلص تحميل بيكون شكل البرنامج كده هتلاقى جمب host it المستطيل الابيض اللى كان فاضى اتكتب فيه لينك هو ده لينك الصوره بتظلل اللينك ده بالموس زى ما هو فى الصوره كده وتضغط على الزرار اليمين فى الماوس هيطلعلك قايمه زى ما فى الصوره اللى فاتت كده اختار منها coby url وبعد ماتاخد اللينك كوبى تعمله باسط فى اى صفحه انترنت اكسبلورر زى كده بتفتح اى صفحه اكسبلورر وتيجى فى المكان اللى بتكتب فيه اللينك وتضغط على الزرار اليمين للماوس وتختار past وبعدها اضغط على enter او اختار Go اللى بالاخضر جمب اللينك زى ما تحب المهم تدخل على اللينك ده وبعد ما تخش عاللينك ده هيفتح معاك كده اللينك فتح معانا اهوه وفيه الصوره اللى محددنها من الاول بعدها بنقف على الصوره دى ونضغط على الزرار اليمين فى المـاوس ونختــار copy وبعد لمـا ناخـدها كوبى نروح نعملها فى المشاركه بتاعتنا past زى كده بتيجى فى مكان المشاركه بتاعك وتضغط كليك يمين للماوس وتختار past زى ما فى الصوره كده هتلاقى الصوره ادامك اهيه كمل بقيت مشاركتك وبعد ما تخلص فى الاخر خالص اضغط اضف وضيف المشاركه بتاعتك هتكون الصوره ظهرت فيها
وطلعت الصوره اهيه بالشكل ده يعنى انا طالع عينى بشرح ده كله وهو سيادته اعد يحرق فى سجاير ومارلبورو كمــان
ثانيا باستخــدام المــوقع فى نـاس مش بتحب تستخـدم برنــامج بيفضـلوا يستخـدمــوا المـوقع المــوقع اهــوه برده http://www.imageshack.us بتضغط عالمــوقع ده وبعد لمــا بتضغـط عليه بيفتــح معــاك بالشـــكل ده
هتلاقـى عنــدك Browse زى البرنامج فـوف متعلم عليها بالازرق بتضغط عليه وتحدد مكان الصوره زى ما عملنا فى البرنامج وبتدوس host it اللى متعلم عليها بالاصفر وتستنى الموقع هيحمل معاك بعد ما يحمل الموقع معاك هيفتح بالشكل ده
هيكون بالشكل ده وفيه اربع لينكات تحت بعض اخر واحد تحت اللى مكتوب جمبه direct link to image ده اللينك المباشر للصــوره بتعلم عليه وتاخــده كـوبى زى ما فى الصــوره وتعمله past فى صفحه موقع وتدخل عليه وتكمل زى اخر 3 خطوات فى شرح البرنامج تدخل عليه وبعد كده تاخد الصوره كوبى وبعد تيجى فى المشاركه وتعمل past وفى الاخر نشوف الصوره برده تطلع كده يانهــار اثــود انت لســه بتشــرب سجــاير وانا معكوك لوحــدى هنــا
كــده تقـــدر تشــارك بصـــورعلى المنتـــدى بسهــوله عـــاوز تــعرف ازاى تشــارك بملف او برنامج او فيلم او موقف طريف الخ ....
ثانيــا طــريقـة رفع ملفات على مواقع مجانيه
زى ما قولتلكم فى الاول المنتدى حاليا مفهوش ابلود الى حين ان يضيف الى المنتدى ابلود ممكن نستخـدم الطـريقه دى ده لو مش ممنوع من اداره الموقع يعنـى هى ببساطه فى مواقع ابلود مجانيه كتيره بتدى مساحه مجانيه تقدر ترفع عليها اللى انت عاوزه سواء برنامج فيلم اغنيه مواقف طريفه الخ .. المواقع دى بتختلف عن بعضها فى المســاحــه كل موقع بيديك مساحه ابلود محدده ترفع عليها فيه اللى بيديك 50 ميجا يعنى اللى عاوز ترفعه عليه ميزدش عن 50 ميجاا بس فيه موقع حلو بيدى مساحه لحــد 250 ميجا يعنى تقـدر ترفع فيلم كامل او ما شابه ذلك الموقع ده هو http://www.megaupload.com بتضغط على الموقع عادى بيفتح معــاك بالشــكل ده هتلاقى عندك فوق على اليمين كلمه Browse اللى معمول عليها دايره حمره بتضغط عليها وتحدد مكان البرنامج او الملف اوالفيلم او اى حاجه عاوز ترفعها وبعد لما تحدد اللى انت هترفعه هتلاقى تحت عندك كلمه اسمها send وجمبها مستطيل صغير اللى عليه السهم الاخضر مكتوب فوقيه plz enter description اكتب فى المستطــيل ده اى حــاجه انشاله تكتب اسم الحـاجه اللى هترفعها المهم متسيبوش فاضى وبعد لما تخلص خــالص دوس send هيفتح معاك بالشكل ده اهوه هتلاقى الموقع بيحمل الملف اللى انت رفعته والتحميل ماشى زى الشريط البرتقانى اللى بيحمل فى الصوره تستنى لما يحمل للاخر خالص وهيبقى معاك بالشكل ده كده الملف اتحمل خلاص هتلاقى الشريط البرتقانى اتملى خلاص وبقى لونه اخضــر والموقع اللى رفعنا عليه الملف اللى بنرفعه هتلاقيه فوق على اليمين معمول عليه دايره باللون الازرق زى الصوره اللى فاتت بتضغط عليه بيفتح معاك كده هتـلاقى عـداد 45 ثانيه عمال ينقص فوق على اليمين فى المكان اللى معمول حواليه دايره باللون البنى استنى لحد 45 ثانيه ما يخلصوا وهيبقى معاك كده
بعد ما ال 45 ثانيه يخلصــوا هيتحول مكانها ل click here to download يعنى تضغط عليها عشان تحمل بس انت مش هتحمل انت عاوز تجبلنا لينك التحميل فيه ناس بياخدوا اللينك الاولانى من اول 45 ثانيه بس احنا بقى عاوزين لينك تحميل مباشر عشان منتعبش نعمل ايه بدل ما تدوس على click here to download علطول دوس عليها كليك يمين بالماوس واختار open in new windows هيفتح معاك بالشكل ده هيفتح معاك الصفحه كده ويقولك عاوز save ولا open والخ وهتلاقى لينك التحميل المباشر اللى احنا عاوزينه ده فوق بس هتيجى تاخــده كــوبى دلوقت مش هينفع هيقولك لازم تختار save or open or cancel لو دوست cancel الموقع هيتلغى خالص انت اعمل انك هتحمل ودوس save بس وبعد ما تدوس save متعملش حاجه تانى روح جرب وخد اللينك copy كده هيجى معاك زى كده
كــده تمــام ده لينــك التحمــيل المبـــاشــر دوس الزرار اليمين للماوس واختـــار copy وتعـــالى هنــا فى المنــتدى اديلنا اللينك وقول ده لينك فيه كزا واحنا نحمل
روميساء عضو مبتدئ
عدد الرسائل : 18 تاريخ التسجيل : 20/05/2007
موضوع: رد: كيف تضيف صورة الي المنتدي؟ الإثنين مايو 21, 2007 1:24 pm
انا فعلا كنت عاوزة الموقع ده
mr virus ليس كل ما نتمناه ندركه
عدد الرسائل : 228 محل سكنك : القاهره المزاج : ما طار طير وارتفع الا كما طار وقع تاريخ التسجيل : 18/05/2007
موضوع: رد: كيف تضيف صورة الي المنتدي؟ الإثنين مايو 21, 2007 9:57 pm
موضوع جميل جدا يا حنان شكرا ليكى
حنين المصرية مشرف
عدد الرسائل : 469 العمر : 36 محل سكنك : منيه النصر - المنصورة تاريخ التسجيل : 20/05/2007
موضوع: رد: كيف تضيف صورة الي المنتدي؟ الإثنين مايو 21, 2007 11:33 pm
الف شكر لمرورك يا جماعتنا
صمت الوداع خائفه من شئ ما
عدد الرسائل : 310 تاريخ التسجيل : 18/05/2007
موضوع: رد: كيف تضيف صورة الي المنتدي؟ الأربعاء مايو 23, 2007 3:04 pm
مرسي جدا ياحنين موضوع جميل جدا تسلمي
حنين المصرية مشرف
عدد الرسائل : 469 العمر : 36 محل سكنك : منيه النصر - المنصورة تاريخ التسجيل : 20/05/2007
موضوع: رد: كيف تضيف صورة الي المنتدي؟ الأربعاء مايو 23, 2007 4:27 pm
موضوع: كيف تضيف صورة الي المنتدي؟ 
الإثنين مايو 21, 2007 12:24 pm
