تسمح تولع لى

وللحديث بقيه

انا عايزه الباقى

موضوع جميل وفى نفس الوقت دمه خفيف

مرسى ليكى يابسكوته ياقمر

باذن الله قربيا

قبل أن تنام مباشرة..
اجلس في مكان هادئ..لا يزعجك فيه أحد..
ثم أغمض عينيك ..

ركز في تنفسك واسترخ تماما..
وشاهد نفسك وأنت تجري على السلم دون أن تتلاحق أنفاسك..

شاهد نفسك وأنت تتناول طعاما صحيا.. وجسمك الرياضي خال تماما من السموم..
تخيل.. ما تتمنى لنفسك أن تكونه !

تأمل التفاصيل حولك في الصورة.. عش هذه اللحظة وكأنك تعيشها فعلا..
تأمل:

1- الصورة التي تراها بتفاصيلها
2- الأصوات التي تسمعها بتفاصيلها
3- الأحاسيس التي تنتابك في هذه المواقف

على فكره المقاله دى حلوه اوى

تسلم ايديكى

تسلمى يابسكوته ونورتى ياقمر

أولا اهلا بيكى يازهره فى المنتدى ويارب يعجكبم

وياريت تعرفى نفسك لأعضاء علشان نعرف زهره

ثانيا أنا بشكرك على مرورك الكريم يارب المنتدى يعجبك

وانا فعلا بتمنى ان المقال دى يكون لها صدى ونفع عند المدخنين باذن الله

تحيااااااااتى

[size=29]شكرا لكى يا حنين المصريه على هذه المقاله و الصوره و فعلا انا عندى باباى كل شويه يبطل سنتين و يربجع سنه لازم الواحد يبطلها و فى كمان شعار (((دخان السجار يقتل فى خمس دقائق))))) و لا احد عايز يبطل ربنا يكون فى عونهم [/size]

مرسى يا لورد نورتنا بس ال كاتب الموضوع أنا من حنين

النهاردة هنكمل كلامنا عن التدخين..

اتكلمنا في الحلقة السابقة عن الصورة الذاتية.. وإنها ممكن تكون السبب الرئيسي في إننا بندخن..
يعني احنا بندخن عشان شايفين نفسنا –أصلا– مدخنين!
وقلنا إن تغيير الصورة الذهنية بسيط جدا.. غمض عينك قبل النوم وتخيل نفسك شباب وصحتك فل وبتطلع السلالم جري..!!
بس!

وقلنا إن التدخين مش إدمان قوي.. دي مجرد عادة..
ودلوقتي هنتكلم عن كيفية تغيير العادات..
أكتر حاجة بتخلي تبطيل التدخين صعب, إنه (تبطيل)!
فاهمين قصدي؟

يعني فكرة إن الواحد (يبطل) حاجة هو متعود عليها, فكرة منفرة وسيئة أصلا..
دي حاجة من قوانين العقل الباطن بيسموها قانون التعلق..
يعني لو خطفت من عيل صغير لعبته, هتلاقيه بيعيط.. وأنا لو خطفت منك الكمبيوتر وإنت بتقرا الموضوع ده.. هتتضايق!
هي دي الفكرة.. إن الواحد مننا بيتضايق من فكرة إنه (يفقد) حاجة..
حتى لو كان اللي بيفقده ده, عادة زي التدخين.
الحل هنا هو إنك ماتبطلش تدخين!
يعني إيه؟
يعني إنت مش هتبطل تدخين, لأنك مش مدخن أصلا!!
يعني إيه برضه؟
يعني إنت مش هتبطل التدخين ده.. لأ.. إنت هترجع لطبيعتك!!
شوف يا صاحبي..
فاكر أيام ما كنت طفل صغير؟
ماكنتش مدخن.. يعني إنت غير مدخن أصلا..
هل إنت اتولدت وإنت ماسك سيجارة في إيدك؟
لأ طبعا!

يعني إنت جيت الدنيا دي جسمك صحي جدا جدا..
تحب ترجع زي ما كنت؟
أول خطوة هنا هي إنك تكسر العادات..
التدخين عادة..
- متعود تشرب بعد الأكل؟
- مع الشاي؟
- بعد الخناقات؟
- وإنت بتفكر؟
اكسر العادات دي!!
يعني بدل ما تشربها بعد الأكل..
اشربها قبل الأكل!

متعود تشتري السجاير من شخص معين؟
لأ.. اشتريها من واحد تاني!

بتشرب نوع تقيل؟
لأ.. جيب نوع أخف!

بتشرب في المكان الفلاني؟
لأ.. اشرب في المكان العلاني!

الهدف هو إنك تتخلص من فكرة إنك بتخليها عادة..
غير في العادة..

ودي الخطوة الأولى..
عشان تسهل على نفسك تغيير عاداتك, خد عندك الطريقة السهلة دي:
لما تبطل عادة, حط عادة تانية مكانها!
بس كده..

يبقى كأنك بتقول لعقلك اللاواعي:
أنا ماخسرتش أي حاجة أصلا!!!
لو حبيبتك سابتك مثلا.. ممكن تتألم من مشاعر الفقد.. لكن عشان تقلل المشاعر دي وتلغيها: اعمل أي نشاط جديد عشان تتخطى المرحلة دي عاطفيا وتسهل على نفسك الموضوع..
العب رياضة.. قابل ناس جداد.. سافر...
أي حاجة تحطها مكان الحاجة اللّي اتفقدت..

كده ببساطة!

عايز توقف عادة التدخين؟
حط عادة تانية مكانها..





أقراص النعناع!
عارف الباستيليا؟ أي نوع قوي من النعناع..
في الأوقات اللي متعود فيها على التدخين, خد لك واحدة نعناع قوي, تشطشط بقك!
واشرب بعدها كوب ماء بارد..
هتلاقي لها نفس إحساس السجاير بالضبط..
تخيل بقى؟
بس اوعى تدمن النعناع والباستيليا.. وأضطر أكتب لك حلقة عن تبطيلهم!!!





اعمل أي عادة تانية بدل العادة اللي هتبطلها..
زي إنك تكلم شخص معين في التليفون مثلا.. في الأوقات اللي متعود فيها تشرب السجاير!

حاجة بسيطة.. لكنها فعالة جدا.. لأنها هتملأ مكان العادة اللي اتغيرت.
من النهارده ابدأ في عمل هذه الخطوات البسيطة جدا..
وهتلاحظ الفرق!