حــــوار مع مسئول رفيع المستوى

حوار مع مسئول رفيع المستوى

ــــــــــــــــــــــــــــــــــــــــــــــــــــــــــــ

بسم الله الرحمن الرحيم

بينما كان مراسلنا في القمة شليويح بن منتفخ المنفوخ .

..يتمشى في اروقة الجامعة العربية...رأى مسؤول ( ؟؟؟ ) رفيع المستوى وعالي المقام...يتمشى بحزن وهو يفكر

..ويفكر (لا تستغربون) بعيد عن اجتماعات القمة..استوقفه مراسلنا شليويح واجرى معه هذا اللقاء

شليويح : اهلا مسئول
المسئول : نعم: اكيد انت صحفي غير مسئول
شليويح: نوووو
المسئول: لانك قطعت حبل افكاري ...وانا افكر بطريقة لمواجهة اسرائيل
شليويح: طب كويس ده اللى انا جى اسالك عليه
المسئول: لا تطول اللقاء حتى اواصل تفكيري
شليويح: طال عمرك..كيف نحارب اسرائيل
المسئول: ما ادري...بس هذا اللي قاعد افكر فيه.. عندك اقتراح؟
شليويح: نعم..نحاربها حرب شاملة ..لا تبقي ولا تذر
المسئول: شنو حرب شاملة…هذه خطة كرة قدم او دوريات شرطة…بعدين يا اخي أي شي فيه شامل او شاملة ..يخلق حساسية لامريكا…وتدري امريكا اذا يصيبها اكزيما وش تسوي
شليويح: ايوه نقصف اسرائيل بالصواريخ
المسئول: لا..الصواريخ اسلحة دفاعية..وليست هجوميه..وهي فقط للردع والتخويف..يعني ليست للاستعمال انما للعرض فقط.
شليويح: طيب رايك بالاسلحة الكيماويه
المسئول: طبعا لا…لاني سمعت ان الشيخ جينيف حرمها دوليا…تبيهم يعتبروني مجرم حرب
شليويح: :انتو حاربو بالاول ..وخلهم يعتبرون مثل ما يبون
المسئول: لا …الكيماوي ما يمشي…عندك اقتراح احسن؟
شليويح: وش رايك بالاسلحة البيولوجيه
المسئول: استح على وجهك…عيب العربي الفارس الشجاع..والمقاتل اللي حمل السيف… يحمل بكتيريا ويحارب فيها..الكلام هذا فيه اهانة للجندي العربي
شليويح: استخدموا اسلحة تقليديه
المسئول: ياخي..ياخي…العدو غير تقليدي…عشان كذا لا بد من اسلحة غير تقليديه
شليويح: آه..وجدتها...وش رايك بسلاح النفط
المسئول: شلون يعني...ناخذ براميل النفط ونقذفها على الجيش الاسرائيلي
شليويح: لا ..نوقف الانتاج ونمنع بيعه لحلفاء اسرائيل
المسئول: بس عرفتها...هذا السلاح انتهت صلاحيته من زمان
شليويح: طيب على الاقل نهرب اسلحة للفلسطينيين..حتى يدافعون عن انفسهم
المسئول: : احترم نفسك
شليويح: ؟؟؟؟؟؟؟ انا قولت حاجة

المسئول: شلون ما قلت شي..احنا دول مؤسسات ملتزمين بالقرارات الدوليه..شلون يانا نهرب اسلحة...شايفنا عصابات مافيا نشتغل بالتهريب:
شليويح: اجل ما بقى الا السلاح الدبلوماسي
المسئول: وش ذا ...سلاح نووي جديد
شليويح: لا ....قصدي السلاح السياسي
المسئول: تكلم عربي...شنو شايفني انجليزي عشان تقول كلام
صعب...وين اعتزازك بلغتك الام...ان اللغة العربية هي التي توحد الامة...وهي التي...
شليويح: خلنا بموضوع السلاح
المسئول: سلاح .. اي سلاح
شليويح: كنا ندور سلاح نحارب فيه اسرائيل
المسئول: شف...السلاح السياسي متعب...تعال كلم فلان وكلم علان... واشرح.. واتصل..وادفع فلوس المكالمات الدولية..ومصاريف ما منها فايده
شليويح: اجل ليش ما تضغطون عبر الامم المتحدة والشرعية الدوليه؟
المسئول: كلام حلو…لكن امريكا عندها حق شرب الفيمتو
شليويح: ممكن تردون عليها وتشربون سفن اب

المسئول: وش تقول انت…شايفنا جالسين في جمعية تعاونية والا في مجلس الامن
شليويح: عفوا…نرجع لموضوعنا…لازم يكون فيه سلاح
المسئول: بس لقيتها…وش رايك بالسلاح الابيض؟
شليويح: فكرة حلوة..قصدك الاسلحة الخفيفة وحرب العصابات ودعم المقاومة و....
المسئول: لا ...السلاح الابيض يعني نرفع الملابس الداخلية البيضاء...حتى يستحي بوش و...
شليويح: قبل لا تكمل...وش رايك بالسلاح الاحمر؟
المسئول: ليش في سلاح احمر
شليويح: طبعا...انت "احمر" سلاح شفته في حياتي

************

تقبلوه اجمل

تحياتى