[/size]
طفل صغير..وطلبه أصغر
نفسه يعيش زينا..أنت وأنا
فرشه التراب نايم عليه وغطاه السما
يعني عشان أبوه رماه
ولا أمه مش معاه
يبقى يا ناس ننساه
عشان رموه في الشوارع
نسيبه ضايع
يكبر ويصبح مجرم وصايع
ولما يحصل نقول يا ناس مين السبب
عيب يا مجتمع أنت غلطان وقليل الأدب
يا جمعيات الرفق بالحيوان
ملايين بتصرفوها على مين؟؟..حيوان!!
مش حرام..
لكن الحرام..بصوا مين
نايمين ع الأرض مين؟؟ وربنا بني آدميين
يا سيدي المحافظ عادل لبيب
ياللي مفروض لينا راعي وطبيب
بدل ما تصلح رصيف وتكسر مية رصيف
ملايين وبتصرفها غلط..شوف وقدر
مين صحيح محتاجها أكتر؟؟
الرصيف ولا عيًل؟؟
عمره رايح ع الرصيف..
في صندوق زبالة بيدور على لقمة ولا رغيف
طبعا ..بياكل أكل نضيف!!
مش م اللي بتاكله حضرتك
ولا عمرك شوفته حضرتك
ولا يحس قلب حضرتك
نبوس إيدين حضرتك
حس بالطفل الضعيف
موضوع: شوف وقدر 
الإثنين مايو 28, 2007 2:04 pm
